Saturday, October 25, 2008

dedication to the one I love

can't smile without you


You know I can't smile without you
I can't smile without you
I can't laugh and I can't sing
I'm finding it hard to do anything
You see I feel sad when you're sad
I feel glad when you're glad
If you only knew what I'm going through
I just can't smile without you

You came along just like a song
And brightened my day
Who would have believed that you were part of a dream
Now it all seems light years away

And now you know I can't smile without you
I can't smile without you
I can't laugh and I can't sing
I'm finding it hard to do anything
You see I feel sad when you're sad
I feel glad when you're glad
If you only knew what I'm going through
I just can't smile

Now some people say happiness takes so very long to find
Well, I'm finding it hard leaving your love behind me

And you see I can't smile without you
I can't smile without you
I can't laugh and I can't sing
I'm finding it hard to do anything
You see I feel glad when you're glad
I feel sad when you're sad
If you only knew what I'm going through
I just can't smile without you


Saturday, July 26, 2008

وظيفه احلامى


وظيفه احلامى

بصراحه هى مش وظيفه واحده دول ياما اوى بس انا هاقولكم بس على اتنين منهم ..
(wedding planner ) اول حاجه نفسي ابقي مصممه حفلات زفاف
الشغلانه دى مش موجوده فى مصر او فيه منها بس مش كتير
حاسه ان جوايا افكار كتيره نفسي اشوفها قدام عنيا
طبعا الفرح دى بتبقي ليله العمر و لازم تكون اجمل ليله و مايحصلش فيها اى مشاكل
و اكيد هاكون انا المسؤله عن كل شئ يخص العريس و العروسه من اول الفستان و البدله لحد شهر العسل

انا لو اشتغلت كده بجد هابقي مبدعه فعلا


تانى حاجه هى نفسي اشتغل ماكييره
يعنى اشتغل فى كوافير اعمل ميك اب
دى هوايه عندى و بحب اوى اتعامل مع المكياج ده على انه فن كأنى برسم لوحه جميله
بس حمالها ربانى .. كل الحكايه انى هاحدد فين اجمل حاجه فى البنت و ابينها و ادارى باقي العيوب
مش عارفه بس ده موضوع كبير و عايز واحده بروفيشنال
ممكن ماكونش بروفشنال اوى يعنى و محتاجه شويه دراسه
اجمل حاجه فى الشغلانه دى ملامح البنت بعد ما اعملها الميك اب
لما تحس نفسها انها اجمل بنت فى الدنيا
اكيد هيكون احساسها مختلف و هتثق بنفسها اكتر


احلامى كتيره بس مش هاقول علي الباقى

Saturday, July 19, 2008

لمسه يد .. قصه قصيره



انا؟؟!! .. لا اجيد التحدث عن نفسي ولا اعرف كيف يكتب المشاهير سيرتهم الذاتيه .. و لكنى اليوم قررت ان اتكلم عن نفسي و بنفسي .. قد يكون كلامى هزيلا .. بلغه ركيكه .. و لكن اعذرونى فأنا من جيل يستخدم الفاظ اجنبيه اكتر من العربيه فى حياته و عمله و علاقاته مع الاخرين .. سأحاول الابتعاد عن الفاظ مثل اوكى و التى من كتر استخدامها اشعر انها اصبحت كلمه عربيه و ٍلن افاجأ اذا فتحت القاموس المحيط او المعجم الوجيز و وجدت كلمه اوكى بمعنى حسنا
لا اعرف من اين جأت تلك الفكره المجنونه .. ان امسك بالقلم الساحر الرفيع الهزيل و اخط ما يجول ببالى .. انها فكره مجنونه بالنسبه لشخص مثلى لم يقرأ فى حياته سوى الكتب الدراسيه و حظك اليوم فى الاهرام .. لا لن اكتب سيرتى الذاتيه لان حياتى حياه اكثر من عاديه يشبهنى اصدقائى ببطله سلسله فانتزيا تلك الفتاه العاديه جدا
سأكتب موقف .. من مواقف كثيره اتعرض لها خلال الشهور الماضيه ..
منذ سنه جمعتنى قصه حب بفتاه غير عاديه .. لا انها ليست بشر مثلنا بل ملاك متخفى فى صوره فتاه .. جميله .. رقيقه .. تعشق الشوكلاته .. و مجنونه ايضا .. كنت كلما قابلتها حشوت جيوبي بعبوات الشوكلاته التى تعشقها .. كنت استمتع برؤيتها تأكل الشوكلاته فى صمت و عشق و كأنها فى عالم تانى وحدها لدرجه انى كنت اشعر انها لا ترانى و لا ترى احد غير لون الشوكلاته المميز و نعومتها و طعمها الذى يذوب بين حبتين الفروله التى هى شفاهها كنت دائما اقول لها انها تحب الشوكلاته اكثر منى .. كانت تضحك فى خجل و تقول بحبك اد الشوكلاته
مضت بنا الحياه كما يتمناها اى اثنين محبين الى ان وصلنا لمفترق الطرق .. و افترقنا لاسباب لا اريد ان اتذكرها و كانت اصعب ايام حياتى تحول لون كل شئ الى الاسود لم اعد ارى شئ مميز سوى الشوكلاته و التى كانت تذكرنى بها و هكذا عيشت الى ان قابلت ملاك اخر "اميره " احببتها فتاه جميله و رقيقه و لكنها ليست مجنونه ولا تعشق الشوكلاته مثل حبيبتى الاولى
تغيرت حياتى و اصبحت بالالوان .. احيانا اجد نفسي و بدون تفكير اقارن بين اميره و بين حبيبتى الاولى لا اعرف من ترجح كفتها ولا لما تلك المقارنه السخيفه التى لا تجدى
يبدوان حبيبتى الاولى لازالت تحتل جزء من قلبي
او ان الحب الاول يستحيل نسيانه
امس .. كان يوما غير عاديا .. كنت امشى انا و اميرتى متشابكى الايديى و التى قلما تسمح لى ان امسك يدها لانها خجوله جدا .. و لكنى وجدتنى اسرح بخيالى و اسافر فى الزمان الى حيث كانت حبيبتى الاولى و تذكرت كيف كنا نمشى متشابكى الايدى .. و ان نسيت احيانا ان امسك يدها اجدها بكل برأه تطلب منى ان امسك يدها و كيف لى ان اؤخر لها طلب خاصه ان كان مثل هذا تذكرت
كم كانت مجنونه و رقيقه
و ... خرجت من ذكرياتى على صوت اميرتى تتسأل "مالك؟؟" حاولت ان اختلق اى كلام حتى لا يجرح مشاعرها الرقيقه و لكنى قلت لها و اعترفت لها انى تذكرت حبيبتى الاولى
احمق انا لانى اعترفت لها .. يبدو انها لم تزعل و لكن فى قراره نفسها ستجن .. انها بنت مثل كل البنات
و... انتهى حبر القلم .. جعلت ابحث فى الشقه لم اجد اقلام اخرى .. حتى القلم لم يعجبه ما اكتبه

لن اكتب مره اخرى لانى فى كل مره اكتب سأتذكرها و افكر هل لها حبيب الان؟.. هل تقارن بينى و بينه مثلما افعل انا؟
هل لازالت تتذكرنى؟
و تتذكر لمسه يدى ؟؟

Friday, July 11, 2008

عجميستا

اول مره افكر فى كتابه نقد لفيلم او عمل فنى عموما بس لان فيم عجميستا عجبنى جدا و دخل دماغى جدا قولت اقول رأيي
اخيرا اتفرجت على فيلم عجميستا كان نفسي ادخله سينما بس ماعرفتش


باختصار الفيلم بيحكى قصه عز ( خالد ابو النجا )اللى فى اول الفيلم بيخسر حبيبته و بيتجوز واحده مش بيحبها و بيسيبها و يروح يقعد فى العجمى و بيقابل هناك هيبه او شجلوف (شريف رمزى ) شاب فاشل فى حياته من كل حاجه و للاسف مش عارف حتى يبدأ من الصفر لان وضعه تحت الصفر بكتير هو كمان بيخسر حبيبته عشان مش عنده مركب زى ما ابوها قاله


بيدخل عز فى حياه الناس اللى فى العجمى و بيحضر فرح من افراح العرب و بيختلط باصحاب شجلوف .. و بيلاقى ان دى ماده كويسه اوى لقصه بيكتبها عن اهل المكان ده و فى الاخر بيبيعها لدار النشر و بيدى تمنها لشجلوف عشان يجيب مركب و يتجوز البنت اللى بيحبها


اكتر حاجه عجبتنى فى الفيلم هي الشخصيتين الرئيسيين عز و شحلوف بصراحه الكاتب كان رائع فى رسم الشخصيتين دول و خالد ابو النجا و شريف رمزى يستحقو التقدير عن ادوارهم فى الفيلم


شخصيه شجلوف رغم ظروفه القاسيه و الحياه الصعبه اللى هو عايشها الا انه برضه شخص محترم و عنده مبادئ و انسان بجد ... عجبنى اوى كلامه مع عز لما قاله اشتغل شغلانه شريفه لانه عرف انه بيشتغل فى الحشيش ... و رغم ده فشل فيه و شرب كل الحشيش اللى المفروض يبيعه


رد عليه شجلوف و قاله انه اشتغل قبل كده فى السنترال ب 5 جنيه فى اليوم يعنى سندوتشين و علبه سجاير و فى الاخر اتهمه بسرقه االايراد و لا يشتغل عند محروس بتاع اللحمه و برضه بيتهمه بسرقه اللحمه اللى بيوصلها للزباين...الشغل بقي المفروض يأكلك و يشربك و يجوزك و يخليك تصرف على عيالك و تكبرهم و تعلمهم و تخليهم احسن منك و كمان فى الاخر لما تموت يلاقو حاجه يورثوها ولا هتموت فطيس


صاحب اى شغل مفترى بيحس بقوته و جبروته قدام احتياجك


الجمله دى وجعتننى اوى لانى شايفه فيها كل الشباب و البنات اللى مش لاقيين شغل او يضطرو يشتغلو اى حاجه بملاليم عشان خاطر بس هما محتاجين




عجبتنى اوى نظره عين شجلوف و هو راكب عربيه عز و رايح يجيب فطار و اكل .. حسيت انه عينيه بتلمع و بيبص لمحروس الجزار او الحداد بطريقه تقولهم انا احسن منكم يا كلاب


بس اكيد هو مش قالها لان عنيه بتقول اكتر من كده




نهايه الفيلم عجبتنى و لو انها خياليه شويه بس من وجهه نظر عز مثاليه لانه مش عاوز حد يعيش المعاناه الى هو عاشها لما ساب حبيبته


فيه حاجه بس مش عجبتنى فى الفيلم ان لهجه شجلوف اللى هو المفروض عجماوى اصيل مش اسكندرانى بالمره






و فى الاخر


الفيلم خلانى عاوزه اروح العجمى فى الشتا

Friday, May 9, 2008

المره دى انا ... يا دبله الحطوبه عقبالكو كلكو


لما اتكلمت عن فاطمه قولت كلام كتير اوى ... بس النهارده مش عارفه
حاسه ان الفرحه اللى فى قلبي اكتر من اى كلام
ماكنتش اعرف انى هابقي فرحانه اوى كده
نفسي اقول للدنيا كلها انى بحبه
بجد فيه كلام كتير فى قلبي
بس مش عارفه اقوله ازاى
اكيد يوم الاربعاء الجاى هيبقي يوم تاريخى فى حياتى
لما الناس كلها تبارك حبنا
لما ايدى اليمين تنور بدبله دهب
لما احس ان اهم حد فى الدنيا بالنسبه لى بقي خلاص واقع فى حياتى
ياااااااااااه
عقبالكو كلكو يا بنات
و ربنا يتمم لنا على خير
دى بلوج خطيبي
يلا ادخلو باركو له

Sunday, April 13, 2008

الحب


الجمله دى سمعتها فى فيلم و عجبتنى جدا... هاترجمها بالعربي عشان تبقي اقرب لكم و كمان عشان اللى ثقافتهم هندى



كيفين : انت تعرف ايه عن الحب ؟
ميلتون(الشيطان) : كيميا حيويه . ماتختلفش كتير عن انك تاكل كميه كبيره من الشوكلاته



Tuesday, April 1, 2008

حواديت المشاوير


انتهيت من قرأه كتاب حواديت المشاوير للكاتب خالد الخميسي
كتاب ممتع جدا بصراحه و يعتبر افضل كتاب قرأته على الاطلاق لاسباب كتيره اهمها انه بيتكلم بلغه سهله اوى لغه سوااقين التاكسي ... الكتاب ببساطه فيه حواديت سواقين التاكسي و بيقرب اوى منهم بطريقه جميله و بلغتهم هما من غير حذف او تجميل .. انا قعدت تلات ساعات متواصله اقراه على الكمبيوتر مع انى كنت ضد فكره الكتاب على الكمبيوتر دى لاسباب عشان عنيا و طبعا الكتاب المطبوع فيه بينى و بينه احساس و تواصل .. ده حاجه انا بلمسها بايدى و بتبقي معايا فى اى مكان و بحضنها و انا بنام ... بس الكتاب اللى على الكمبيوتر جامد زى الكمبيوتر بالظبط مافيهوش اى احساس .... بس فى الفتره الاخيره بدأت اقرا الكتب على الكمبيوتر لاناه بقيت سهله اوى و بلاقيها على طول سواء من منتدبات او من اصدقائى... المهم انا مش جايه اتكلم عن الفرق بين الكتاب الاليكترونى و المطبوع انا جايه اتكلم عن الحواديت اللى فى المشاوير ... اللى عيشت معاها تلات ساعات و اول ما الكتاب خلص ماصدقتش و قعدت الف فى السكرول بتاع الماوس عشان يكون فيه تانى تحت لاقيت مافيش و برنامج الاكروبات اتخنق منى و كان هينطق يقولى يا بنتى كفايه هما اللى انتى قريتيهم دول بس

حواديت ضحكت معاها من قلبي و نسيت هم الدنيا و انا بقراها و حواديت بكيت منها حواديت تانيه استغربت اوى ازاى الشخص ده سواق تاكسي
اجمل حاجه فى الكتاب انى كنت كل ما انزل من تاكسي اركب التانى ... مره بليل و مره بالنهار و مره فى الزحمه و الدوشه و العادم .. كل ده مش مهم بس المتشابه بينهم هما اللونين الابيض و الاسود بتوع تاكسي القاهره و كمان التعب و الاجهاد و الجرى و را لقمه العيش

و لما خلص الكتاب و خلصت الحواديت قولت لازم انزله فى البلوج للى يحب يقراه

للتحميل

Tuesday, March 25, 2008

كلام من غير كلام

Friday, March 21, 2008

كل سنه و انتى طيبه يا ماما


كل سنه و انتى طيبه يا ماما

كل سنه و انتى حنينه عليا

كل سنه و انا ليا دايما مكان فى قلبك

كل سنه و حضنك الدافى

اكتر مكان برتاح فيه

كل سنه انتى طيبه يا ماما

كل سنه و انتى معايا

كل سنه و انا بحاول اسعدك

عارفه انى سعات بغبائى بضايقك

بس متأكده ان قلبك الكبير بينسى

و عمرك ما بتزعلى منى

انا بحبك اوى يا ماما
ربنا يخليكى ليا

Sunday, March 16, 2008

عربي لو سمحت



ماتيجو نتكلم عربي شويه
طبعا فيه حد هيقولى اومال احنا بنتكلم ايه هندى يعنى ولا ايه
لا انا اقصد نتكلم عربي و مايكونش فى كلامنا اى كلمه غير العربي خاصه الانجليزى اللى فرض سيطرته و احتلاله على عقولنا
طيب ايه المشكله لو خلينا كلامنا كله من غير اى كلمه غير العربي ... انا شايفه ان اللغه العربيه غنيه و مش محتاجه جنبها اى لغه تانيه عشان نعرف نعبر براحتنا و العاميه مليانه تعبيرات و الفاظ سهل اوى نستخدمها يعنى بدل ما نقول اوكى .. نقول ماشى او طيب او حاضر .. شوفتو ازاى ان فيه بدائل فى اللغه العربيه و اكتر كمان من الانجليزى
امثله زيها كتير انا بس بقول ده على سبيل المثال لا الحصر
حافظ ابراهيم قال عن اللغه العربيه
انا البحر فى احشائه الدر كامنا فهل سألو الغواص عن صدفاتى

طبعا انا مش بدعى انى بتكلم عربي ميه فى الميه بس على الاقل بحاول و بتلخبط اوى لما اقول كلمه انجليزى عن غير
قصد لانى سعات كتير بكون بكلم ناس مستواهم اقل منى او ناس كبيره المفروض يكون كلامى ليهم فيه احترام و من ضمن الاحترام ده انى اتكلم بلغه هما يفهموها
تعرفو انا بخجل من نفسي جدا لما اقول كلمه انجليزى فى وسط كلامى و سعات مش ببقي لاقيه معنى بالعربي ليها .. تخيلو؟
احساس صعب اوى لما تبقي لغتك هى لغه القرآن و ثريه بمفردات و تعبيرات مش موجوده فى لغات تانيه و تحس انك بتغرق وسط شويه مفردات انجليزى عارفهم و نسيت معناهم بالعربي
مش برضه حاجه تزعل ؟؟؟
ياريت يا جماعه كلنا نهتم باللغه بتاعتنا اللى هى جزء مننا كلنا ...و ناخد كورسات لغه عربيه .. ماحدش يستهزأ ... كلنا بنهتم باللغه الانجليزيه او اللغات التانيه و بنجرى و ندفع فلوس اد كده عشان نتعلم انجليزى طيب ليه مش نتعلم العربي الاول.. ندور جوه اللغه العربيه عن الدرر .. نقرأ كتير و نشطب من استخداماتنا اليوميه الالفاظ الغربيه اللى مالهاش اى علاقه باللغه بتاعتنا ... احنا لغتنا اقوى و اثرت و آثرت لغات كتير و طبعا الانجليزى اولهم كلمات كتير زى ليمون و سكر و قطن و حاجات تانيه كتير

احنا المفروض نثق فى لغتنا و فى نفسنا اكتر من كده ... لغتنا قويه و كافيه ... يكفى ان الله اختارها عشان تكون لغه
القرآن و يكفينا شرفا ان تكون لغتنا الام هى العربيه



" وهب الله اللغة العربية مرونة جعلتها قادرة على أن تدون الوحي أحسن تدوين.. بجميع دقائق معانيه ولغاته، وأن تعبر عنه بعبارات عليها طلاوة وفيها متانة".د. جورج سارتون