Saturday, July 26, 2008

وظيفه احلامى


وظيفه احلامى

بصراحه هى مش وظيفه واحده دول ياما اوى بس انا هاقولكم بس على اتنين منهم ..
(wedding planner ) اول حاجه نفسي ابقي مصممه حفلات زفاف
الشغلانه دى مش موجوده فى مصر او فيه منها بس مش كتير
حاسه ان جوايا افكار كتيره نفسي اشوفها قدام عنيا
طبعا الفرح دى بتبقي ليله العمر و لازم تكون اجمل ليله و مايحصلش فيها اى مشاكل
و اكيد هاكون انا المسؤله عن كل شئ يخص العريس و العروسه من اول الفستان و البدله لحد شهر العسل

انا لو اشتغلت كده بجد هابقي مبدعه فعلا


تانى حاجه هى نفسي اشتغل ماكييره
يعنى اشتغل فى كوافير اعمل ميك اب
دى هوايه عندى و بحب اوى اتعامل مع المكياج ده على انه فن كأنى برسم لوحه جميله
بس حمالها ربانى .. كل الحكايه انى هاحدد فين اجمل حاجه فى البنت و ابينها و ادارى باقي العيوب
مش عارفه بس ده موضوع كبير و عايز واحده بروفيشنال
ممكن ماكونش بروفشنال اوى يعنى و محتاجه شويه دراسه
اجمل حاجه فى الشغلانه دى ملامح البنت بعد ما اعملها الميك اب
لما تحس نفسها انها اجمل بنت فى الدنيا
اكيد هيكون احساسها مختلف و هتثق بنفسها اكتر


احلامى كتيره بس مش هاقول علي الباقى

10 comments:

S H A H said...

مش عارف, انتو هنا بتوزعو جوايز للكومنت الاول ولا عادي يعني زيي زي الاخير؟؟؟

ان شاء الله تحققي كل احلامك يا داليا

انا ليا اصدقاء في المهنة الاولى, بخلاف دخلها المادي الممتاز, فيها حاجة مهمة

بتكسر اي روتين وظيفي في الدنيا

لان فيها كمية علاقات رهيبة

بخلاف حضورك الحفلة في الاخر و تشوفي نتايج شغلك

خاصة لو عندك حس فني عالي

كل التوفيق ليكي

قولي لمحتاس بطّل ندالة و اسال علينا

أنا حر said...

فكرة وجود حلم في حياتنا دي اصلا متعة
اما بخصوص احلامك فدي جميلة قوي ليه ما تحوليش تبدأي في تحقيقها
لو كل واحد فينا حاول انه يحقق حلمه بالوصول لشيء هو هيبدع فيه حياتنا هتتغير خالص
تحياتي

Ehab said...

ربنا يوفقك بقى يا دوللي وتشتغلي اي حاجه بس متوجعيش دماغنا اركزي في الشغلانه بقى
هههههههههههههههههه

ربنا يطمنك على اللي غايب

سلاااااااااااااااام

بنت أبيها said...

ربنا يحققلك كل اللى بتتمنيه

بس الفكرة الاولانية

جميلة بجد ... لو كده انا ليا في الموضوع ده ابقي خديني معاكي

كنت جربت حاجة زي كده في فرح انتيمتي

ساسو said...

ربنا يوفقك يادودو وتحققي كل اللي بتتمنيه
كل سنه وانتي طيبه ورمضان كريم

The Eagles said...

ربنا يوفقك وتحققى احلامك

وكل سنة وانتى طيبة



والسلام..........

voice of love said...

والله وظيفة قشطة

وانا هاكون أول زبونة لما ربنا يكرمنى بقى وألاقى ابن الحلال

وحشتينى

hasona said...

يبدوا ان الصداقة والتي هي أثمن شئ وقد أصبحت بلا ثمن في هذا الزمن
فكرتني بصديق لي قال نفس الكلام
واقتنع بأن هناك دخلاء علي عالم التدوين والصحافة
وأعطاني مثال بصاحبة مدونة" صحفية مع وقف التنفيذ"وكذلك هي نفسها صاحبة مدونة "كلمة سر" أنها تفعل أشياء كثيرة وتستغل مصطلح الصداقة والصحافة وهم منها براء-ولأنه ثبت لي انه لم يكذب فيما قال حاولت كثيرا
محادثة شيماء ولكن بلا فائدة ولم تثبت أنها علي غير ذلك وهربت
شكرا علي كلماتك والتي تفتح الجرح كلما ظن الناس انه شفي
وربنا ينعم عليك بنعمة الاخلاص في كل شئ وتجده في أحبائك وأصدقائك

mimi said...

أنا كمان بلاقي نفسي في الأشغال دي ، بس لأنها مش متاحة ،، بحاول أخرج طاقتي الإبداعية الماكياجية أو الويدينج بلارينية مع أصحابي ومع عيلتي وكمان بقدم نصائح مجانية مدفوعة مقدما ،
ماتيجي نعمل مشروع؟؟؟
ولا إيه؟

mimi said...

come & visit