احترق انتظارا
عندما تخذلنى الكلامات و تتعثر على شفتى
ارى كلاماتى فى عينيك .. عذبه رقيقه
كم اتمنى ان تضمنى بين ذراعيك برفق
كم اتمنى ان اغمض عينى لتكون اخر وجه اراه
و ان اصحو لتكون اول وجه اراه
افقت من تخيلى لاجدنى احلم
سيدى .. اننى احلم و لكن هل لحلمى مكان فى الحقيقه؟
هل ستأتى يوم من الايام لتحتوينى بين ذراعيك
ام ستتركنى اتجمد من البرد
يدى ترتجف فى بعدك ... هل ستحتويهما بين يديك؟؟
اعرف انك ستأتى يوما ما
انا ليس بيدى شئ سوى الانتظار
و لكن ... لا تتركنى
احترق انتظارا
سيدى .. اننى احلم و لكن هل لحلمى مكان فى الحقيقه؟
هل ستأتى يوم من الايام لتحتوينى بين ذراعيك
ام ستتركنى اتجمد من البرد
يدى ترتجف فى بعدك ... هل ستحتويهما بين يديك؟؟
اعرف انك ستأتى يوما ما
انا ليس بيدى شئ سوى الانتظار
و لكن ... لا تتركنى
احترق انتظارا
18 comments:
عزيزتي داليا
ليست غريبه عليك تلك الكلمات هي رحيق الورد وانتي ورده اذن هذا امر طبيعي
****وهل ترى عينيه غير شفتيك وهل لعيونه هم الا ملاحقك
اما ان اردتي ان تغمضي عينيك عليه وتفتحيهم عليه فكل ما عليك هو ان تنظري للسماء وستجدين عيونه الواسعه تحتويكي وتضمكي بين جفنيه في
صدقيني عزيزتي انهم دائما يأتون فقط تحلي بالصبر
*****
ايه رايك يا دوللي انا كمان بعرف اشعر اهو مش كده ولا ايه
تحياتي
سلااااااااااااااااااااااام
انا اول مره ازور المدونه هنا
بس واضح انها مش هتكون اخر مره
اسلويك بجد بسيط ة شيق فى نفس الوقت
الانتظار يمكن ان يحمل كل الشوق فى ملاقاه حبيب ننتظره ة لكن احيانا يكون كثره الانتظار هى البدايه لانطفاء شمعه الحنين لان حينها يتبدل الامنظار الى الشعور بالهجر
ة على اساس الشوق تكون فرحه اللقاء
تحياتى
حرام عليكي بقى لسه كنت بفكر في بوست بنفس المعنى
قلبي وقف لما لاقيتك كاتبه الكلام ده
بجد هاعيط
اعمل ايه انا دلوقتي؟
انا كده هابطل اكتب اي حاجه
هاقعد اشحت انا بقى
اكتر جمله عجبتني هي "كم اتمنى ان اغمض عينى لتكون اخر وجه اراه" انا هاعتبرها دعية لمدونة "غمض عينيك" هههه
لا بجد كلمات جميلة ورومانسية مش غريبة عليكي ياداليا
تحياتي ليكي
محمد سمير
بالمناسبة... ماتنسيش التاج اللي بعتهولك
باي
يابخته اللي الكلام ده عليه
كلام جميل جدا ومعبر جدا بالرغم من لمحه الحزن من طول الانتظار
يا عزيزتي لسه بدري
هو انتي عندك كام سنه عشان كل ده
اكيد هاييجي الفارس ومعاه زي ماكلنا عارفين الحصان الابيض
بس لو جه وانتي مليانه حزن كده ممكن يرجع تاني
ابتهجي للحياه
واعلمي ان فارس احلامك بيدور عليكي لكن انتي عارفه مشكله المرور
كلامك جميل لايصدر الا من انسان جميل
تحياتي
امبارح كان هايجيلي سكته قلبيه
جاي افتح المدونه عشان اشوف لو فيه بوست جديد الاقيه بيقولي للمدعويين فقط
قلت اييييييييه
ليه كده يا داليا
وكنت هابعت نداء لكل اللي يعرفوا الميل بتاعك انك تفتحي المدونه للغلابه امثالي
بس الحمد لله لكن امانه عليكي لو فكرتي تعملي كده تبقي تبعتيلي دعوة
وانا كمان
هادعيلك
ومن يدرى ربما ضاع عمرى بأكمله فى إنتظار وهما أو سراباً وربما بقيت مشاعرى سجينة القلب وحُرمت التنفُّس حتى موتها. ففداك....... لن أنتظر سواك ......سأنتظرك
_______________
جميله أوى ياداليا ترجمتى أحاسيس جوايا
:)
الشنكوتى الكبير
طبعا بتعرف تقول شعر ... انا هاستنى البوست الجديد بتاعك يكون خاطره او شعر .. اوك؟؟
-----------------------------------
sherif gharib
معاك حق ... ممكن النتظار يقتل الشوق جوانا .. و ممكن يزوده
-----------------------------------
Wardaya
ايه يا بنتى انا الخاطره دى كاتباها من زمان ... انا ماسرقتش منك حاجه ياختى.. طيب بصى اكتبي نفس الفكره بطريقتك و نشوف مين احلى
-----------------------------------
غمض عينيك
اه ممكن تنفع
بص بقي يا سيدى بالنسبه للتاج .. ماينفعش اعتذر؟؟؟
بلاش اعتذر حاضر هاجاوبه بس شويه كده
-----------------------------------
ولــــــــو
الكلام ده مش لحد لانى اهو لسه مستنيه
بدرى من عمرك
انا دلوقتى اممم يعنى نقول 22 و نص
انا مش مستعجله ولا حاجه خالص يعنى
و بعدين خلاص راح زمن الفرسان و الفرس الابيض
دلوقتى لو جه بعربيه 128 بيضا يبقي حلو اوى
:D:D
-----------------------------------
شريف
ربنا يخليك
نورت
-----------------------------------
ولـــــــــو
اه بالفعل انا كنت قافله مدونتى امبارح
بعد الشر عليك من السكته القلبيه .. على فكره انا ماكنتش باعته دعوه لحد كنت عاملاها انا بس
مش هاقفلها تانى مدام فيه ناس حلوه بتدخل و بتسأل عليا
:)
-----------------------------------
واحده من الناس
ايه يا بنتى الكلام الجميل ده ... حلو اوى اللى انتى كاتباه
نورتى يا قمر
الله الله الله
ابدعتي بجد
احساسك في قمة الرقه و الروعه
تحياتي لقلمك المبدع
ليتنى اختصر العمر اختصارا لتعجل الوقت بدلا من الانتظار اياك وانتظار وهم او امل تعلمين انه مفقود ممكن الانسان يقضى عمرة فى انتظار أمل كائن فعلا لكن اذا كان سراب ستكون الصدمة كبيرة
نحن نعلم ماذا ننتظر صارحى نفسك
تحياتى
•«ρяoιd»•™
نورت مدونتى
-----------------------------------
الطائر الحزين
اتمنى انه مايكونش سراب
ياسلام علي كلامك الرقيق ياداليا مش ممكن بجد كلك احساس
طبعا الانتظار لما بيطول بنبتدي نفقد الأمل بس بتمني ليكي ان الانتظار لا يطول و يأتي فارس الأحلام بكل ماتمنيتيه و زياده كمان ياجميله
تحياتي ليكي و لكلماتك الرقيقه
:)
حلوه اوي احترق انتظارا دي ..بس انا الي زي حلاتي يعمل ايه و هوه منتظر من زمااااااان مش اتحرقت و بس لا تبخرت كمان ...اه من لوعة الحب و سنينه
تحياتي
اجندا حمرا
ربنا يخليكى يا قمر اخجلتم تواضعنا
-----------------------------------
انتظار مؤقت
انت انتظار مؤقت ولا انتظار دائم
ربنا يقرب البعيد و يسعدك يارب
كم مللنا الانتظار
كل يوم ننتظر اليوم اللي بعده
نسافر ننتظر العوده
نعود ننتظر السفر من جديد
الى متى الانتظار
اما ان له ان ينتهي
ام هي عاده نتعلق بها في ذيل الحياه
بوست رقيق اوي
دي أول زيارة ليا للمدونة بتاعتك بس مش آخر مرة إن شاء الله
كلامك بسيط أوي وسهل في معانيه وتعبيراتك بصراحة أكتر من جميلة وأتمنى إن شاء الله إنك تلاقي اللي بتحلمي بيه وفيه كل حاج أنتي محتجاها
NOSHA
اسكندراني اوي
للاسف الحياه بقيت ممله اوى و احنا دايرين فى ساقيه الانتظار
-----------------------------------
nosha
ربنا يخليكى يا جميل تنورى المدونه فى اى وقت
على فكرة يا داليا أنا ولد مش بنت
على العموم شكراً لردك الجميل
Post a Comment