مشاعر مختلطه
شمسيه و كرسي على البحر بعد العصر
الشاطئ فاضى مافيهوش حد غيرى
كاس مليان تلج بيرقص فى وسط عصير التفاح الفريش
مسرحيه عطيل و الحب اللى مش موجود غير على الورق
رغم انى قريتها كتير بس مش بمل منها وببكى فى اخرها كل مره
كل مره اقراها بقوله يا غبي دى مخلصه ليك مش بتخونك بس هو مابيسمعنيش
و يقتلها
و يقتل نفسه
و تنزل الستار
و تنزل دموعى
اسيب المسرحيه و امشى على الرمله
اهرب
اسرح
ابكى
اضحك
اجرى
ارقص
اصرخ
بصوت عالى
او حتى جوايا
الاقيه قدامى
اشوفه و المسه
ارقص معاه على مزيكا الفالس
تيرارارارا تن تن تن تن
يهمس بصوته الدافى
بحبك
اخجل
اتلعثم
اتعثر فى خطواتى حتى كدت ان اقع
ذراعاه القويتان تحميانى من السقوط
افتح عينى
الاقيه مش موجود
المزيكا سكتت
و هو كمان اختفى
احس بالبرد
البرد اللى تحس بيه جوه النخاع
الدنيا تغيم
اليل يدخل
من غير قمر
سحب كتيره
شتا
موج عالى
و انا لوحدى
حتى الشمسيه
وعصير التفاح
اختفو
البحر ثائر
كل موجه بتضرب التانيه
بتعذبها
مش هى دى ارض احلامى
مش هى دى اليوتوبيا
انا عاوزه ارجع تانى اوضتى
هى صحيح بارده بس مافيهاش مطر
اتقوقع جواها
ابكى لوحدى
و بس
31 comments:
اولا حمد الله على السلامه
انا قريت من الشات بوكس ان عندك مشكله ف صفحه الكومنتس ربنا يحلها قريب انشاء الله
وحشني كلامك جدا
بس فيه حاجه انا لما قريت عطيل لقيتها تقيله قوي وكلامها رخم
يمكن واحده تانيه غير اللي بتقريها او هو الاحساس بقى هو اللي بيحول الصعوبات
عايز اشوف التعليقاتكده ماليه المدونه وبعدين حلو قوي ردك ف الشات بوكس
بس انا ماعرفش ان فيه شات ف مصراوي
سللللللللللللللام
داليا..
ايه ده
لا
بجد..
مش ممكن..
ايه ده بجد؟
تقريبا...اروع ما كتبتِ
ماشاء الله..اللهم لا حسد..
الكلام (نخور)في عظمي وقلبي..
:))
بجد..أثر فيا اوي..
الله ياداليا
كلماتك حلوة وبجد وصفت الموود اللي عشتيه بطريقة جميلة اوي
ربنا دايما يهنيكي ويسعدك
كل سنة وانتي طيبة رمضان كريم
محمد سمير
كل عام وأنتم بخير
يهل رمضان من بعيد
حاملاً لي أحلى الذكريات دائماً
أصدق العبرات حتماً
أخلص العبادات دوماً
لرمضان عندي مكانة خاصة
ولكم أنتم أيضاً
يا أحبابـــي
فكل عام وأنتم بخير
وأنتم إلى الله أقرب وعلى طاعته أدوم
أخيييييييييرا صفحه الكومنتس فتحت
ولـــــو
الله يسلمك
على فكره عطيل انا بحبها جدا هى و روميو و جوليت من اكتر مسرحيات شكسبير التراجيدى الحلوه
انا قريتها و اتفرجت عليها فيلم يمكن عشان كده اثرت فيا اوى
-----------------------------------
warDaya
دودو حبيبه قلبي واحشانى جدا
بجد عجبتك اوى كده .. ده انا حتى يومها كنت مرهقه على الاخر و بكتب اى كلام بس يظهر انه كان طالع من القلب
ميرسي يا قمر
----------------------------------
غمض عينيك
محمد سمير نورت مدونتى
ربنا يسعدك يارب
كلامك ده دخل البهجه فى قلبي
كل سنه و انت طيب
و ربنا يتقبل مننا رمضان
----------------------------------
صاحب البوابه
كل سنه و انت طيب
ربنا يتقبل مننا رمضان
هااااااى داليا
ايه يا بنتى ده
كلمت حلوة قوي
لا و ايه جاية في وقتها
سبحان الله
تسلم ايدك
تحياتي
كريم عزمي
و نبرد و يجلنا برد و نعض نكح اوهوهوهوهوهوهو
بهزر معاكي يا
دودووووووو
مدونتك لذيذة اوي اوي اوي دي مش مجملة بس بجد مدونتك لذيذة و تحياتي ليكي يا قمر
جميله قوي الخواطر دي يا داليا
انتي هايله
بجد حلوه قوي
مش بتيجي عندي ليه المدونه
انتي زعلانه مني ولا ايه
عموما سماح لو كنتي زعلانه
كل سنه وانتبي طيبه
سلااااااااام
ياااااااااااه ايه ده يا دولسيكا
ايه يا بنتى الشاعرية والرومانسية دية بجد رهيبة
بجد سرحت اوى فى كلامك حسيته طالع من قلبك بجد
ربنا يجعل احلامك حقيقة
وتلاقى اللى تتمنيه يا رب
وساعتها هيكون مش عصير واحد لأ هيكونوا اتنين بقى مش كدة ولا ايه
;)
رمضان كريم و كل سنه و انتي طيبه ياداليا
حمدالله على السلامى...هيا مشاعر مختلطة فعلا...
وكلماتك جميلة اوى يا داليا بجد
كل سنة وانتى طيبة
kareem
ميرسي جدا يا كريم نورتنى
-----------------------------------
بنوتة
اه صح يا بنوته بس انتى عارفه هو لو ماكنش مشى ماكنتش الدنيا هتشتى
-----------------------------------
الشنكوتي الكبير
شكرا جدا يا ايهاب
معلش انا مش بدخل مدونات عشان مش بقعد نت كتير حتى مدونتى مش بفتحها على طول
-----------------------------------
رحيق الحب
هاله حبيبه قلبي
شكرا يا قمر على الكلام ده
بعض ما عندكم
-----------------------------------
اجندا حمرا
وانتى طيبه يا جميل
-----------------------------------
.:.-=- ELGaZaLy-=-.:.
وانت طيب و ربنا يعود علينا الايام بخير
كل سنة وانتى طيبة يا دودو
ايه الكلام الجامد ده
شكلك كنتى بتصيفى واخدتى ضربة شمس ولا ايه
عموما انا سعدت انى زرت مدونتك
وصفك فوق الرائع
بجد تخليت الموقف كله و حبيته قوى
كلامك رقيق بجد
كل سنه و انتى طيبة
و رمضان كريم
ايه ده يا داليا كل ده كتماه فى قلبك
والله يادودو مش عارفه ليه وانا بقرالك بحس انى انا الى بكتب انتى بتوصفى بجد كتير الى انا حاسه بيه
جميل قوى
وعجبنى جدا تعبير الثلج الى بيرقص فى العصير:))
وكل سنه وانتى طيبه
بيان هام جداااااااا
تابعوا أحداث الافطار الرمضانى الجامد جدا مع خالد الصاوى فى الساقيه
والتفاصيل على مدونتى الصغنونه
وماحدش يتأخر
مررت لأقرأ الجديد فلم اجد
!!!!
اوووووووووووووووووووو
مود جميل موتتتتتتتتتتتتتتتتتت
تحياتي تحياتي
منتظركم كلكم في مدونتي نتسحر كلنا
اوعى تتقوقعى فى اوضتك
دايما عيشى فى العالم بتاعك وفى اليوتوبيا بتاعتك واوعى تتنازلى عن احلامك ابدا
تحياتى على كلمات جميلة
هبة
كل منا له حالات خاصة يمر بها ...
"حالة كدة...معرفش ايه
ملهاش معاد..ساعات تزورني في الربيع ..ف الحر .. و ف عز الشتا
و تجيب حاجات لا فيها روح و لا ميتة
لا معاها تنفع كلمتين و لا غنوتين...و لا لقطة من ألبوم صور
ألاقي قلبي ويا الكور..
أخاف أقول لأي حد أحسن يقوم يقلبها جد
حالة كدة معرفش ايه
لكني بطلع منها بعد السكات
فاهم شوية ف اللي فات"
ايوه يعني هو مش كفايه كسل كده وتكتبي جديد وتظهري تاني يا ورده يا جميله
سلااااااااااام
سلام عليكم
ازيك يا داليا
كلامك واسلوبك تحفة
وتحسي انك بتعيشي معاها
وتتاثري بية
التحول من الاحساس الجميل للاحساس الوحش
صعب قوي لكن العكس
بيبقي احلي دايما
سلام
مني
كعادتك يا داليا
مبدعه و متميزه
تحياتي
الكلام دة اثر فيا جدا وخلى عينى تدمع
اجييكى عليه
ياريت تشوفى البلوج بتاعتى هى لسه وليدة مش زيك
تحياتى
وحشتينا ياداليا
انت فين؟
يارب تكوني بخير
طمنينا عليكي ياجميل
عيد سعيد و كل سنه و انتي طيبه و خير
انتي
اسفه ياداليا علي الخطأ الاملائي الغير مقصود
عاش من قرا كلامك
ايه الغيبه الطويله دي
على العموم
كل سنه وانتي بألف خير
اتمنى العوده سريعا
وحشتينا
تعليقي الوحيد
راااااااائع
الغريب قوى انى كلامك كان بيطلع الواحد من مود لمود من البحر والعصير الفريش وبعدين حاله الحب للحياره مع ضياع الحلم وعدم وجود الحبيب واكتشافك انى انت مش فى المكان الى المفروض تكونى فيه او بتحلمى بيه والانكسار الحاد فى النهايه انك عايزه تكونى وحدك والجميل فى ده كله على قد ما الكلامات سهله بس معبره وجميله بجد
فين يا ابله
سلاااااااااااااااااام
Post a Comment