بوست جديد
اتأخرت فى البوست الجديد .. اتأخرت كتير المره دى .. قلمى؟؟ لسه بيكتب و كتبت الايام اللى فاتت كتبت اللى انا بسميها قصه قصيره ركيكه هزيله لا تمت للادب بصله مش اكتر من فضفضه على الورق
مواقف يوميه قد تكون عاديه او حتى غير عاديه بالنسبه ليا على الاقل
بس ايه فايده انى انزل بوست جديد
ايه فايده انى اشارك اصحابي لحظات من حياتى او حتى افكارى
النهارده كنت هانزل اغنيه بحبها جدا بس لاقيت مالهاش لازمه
حتى البوست ده مالوش لازمه بس فيه ناس كتير سألت عن اسباب غيابي
يمكن ابطل الكتابه فى البلوج .. يمكن ابطل كتابه خالص
او يمكن بكره صوابعى تتحرك على الكي بورد بسرعه و اكتب حاجه جديده
مارضتش اقفل البلوج زى كل مره
ماتزعلوش منى لو مادخلتش بلوج اى حد
ده مش معناه انى مش بحبكم او مش مهتمه بحد
انا بجد بحبكو كلكو حتى اللى مايعرفنيش
9 comments:
ليه كده بس يا داليا:(
انا حتى بقالي كذا يوم مش بلاقيكي ع الماسينجر وحتى لما بلاقيكي مش بنعرف نتكلم مع بعض
مالك يا جميله بس ليه الكئابه دي:(
ربنا يهونها عليكي ويكرمك ويرزقك الصلاح ان شاء الله آآآآآآآآمين
اوعي تقفلي البلوج او تمسحيها او اي حاجه من الحركات المجنونه دي
ربنا يهديكي ياااااااارب
لو في حاجة مضيقاكي تقدري تبوحي لحد و تتكلمي معاه و تفضفضي
احيانا الفضفضة بتريح احيانا اللي بتفضفضيله ممكن يفيدك
الاحسن تفضفضي لحد قريب منك
مش ضروري ينصحك بحاجة كفاية قوي تفضفضيله
المشكلة ان احنا بقينا في زمن الناس بتبعد فيه عن بعض
و دي كارثة
الانسان كائن اجتماعي على الاقل اجتماعي زوجي انما ان البني آدم يعيش فرد واحد فده بيتعبه
معلومة اخيرة
مفيش حاجة في الدنيا تستاهل
فعشيها ببساطة هتستريحي
سلام
ايه يا داليا مالك بس
شكلك مضايقة قوى
احنا يهمنا نقرا الفضفضة دى ونحاول نقف جنبك باى شكل من الاشكال
بلاش الاكتئاب ده وحياتك
وبلوج ايه اللى تقفليه ده
مالك ؟
ايه يا دودى مالك - لا يأس مع الحياة ولا حياة مع اليأس
فيه ايه - تعالى تعالى قوليلى مالك وانا مش هضرب ولا هحدفك بطوبة ولا حاجة
كله يهون مدام فيه اصدقاء حلويين يخافو عليكى ويسألو عليكى وكلهم امل وايمان فيكى
لما تنزلى بوست جديد يا ستى بيسعد الكل وبنستفاد حتى ولو القصة ركيكة فالكل برده هيستفاد وانتى هتعرفى مكامن ضعفها ولو مش عاوزة تكتبى ممكن تنزلى اغنية زى ميراج حاطط اغنية لايت حلوة بس لازم تطلعى اللى جواكى باى شكل
وتأكدى دايما ان كلنا معاكى وحواليكى وهيفرق كتير معانا انك تكونى موجودة - ثم ازاى يا هانم انتى مش عاوزة تعلقى للناس فى البلوج بتاعتهم - اومال يفرحو ازاى بوجودك
مستنيين ردودك الحلوة وتواجدك معانا الاحلى ودائما وابدا متألقة - وهستناكى عالماسينجر ولينا كلام تانى
تحياتى يا قمر
هبة
لسه والله بقول هي داليا فين مش باينة ليه...انا هادخل اسأل عليها
ولما دخلت بجد زعلت
ليه كده ياداليا...روقي واهدي وتوكلى على الله وكل حاجة هتبقى كويسه
اتكلمي وفضفضي لحد انتي بتثقي فيه وان شاء الله ربنا هيهديكي للي فيه الخير
ارجوكي بجد ماتقفليش المدونة....مبقاش ينفع يا داليا بقى لينا حق عليكي ولازم توفيه واقله انك تطمنينا عليكي
روق روق كده والله الدنيا دي ماتستهلش تزعلي على اي حاجة فيها اكتر من ساعة الا ربع
تحياتي ليكي
ومستنينيك
محمد سمير
دا رابع بلوج ادخله الاقي صاحبه او صاحبته في مثل تلك الحاله
اقول كما قلت هناك وهناك وهناك
مالكم يا بلوجريه في ايه
اخرجو من الحاله دي
ارجوكم ثقوا بالحياه
اكيد فيه منغصات بس الحياه حلوه
وفيها حاجات تستاهل
ارجوكم انقلو هذه الرساله الى كل المدونييييييييين
على فكره انا مش هاقولك كلام كويس وان الدنيا كويسه وان الجو حلو والكلام اللي ممكن يتقال ف ظروف زي دي سواء حاسه او مجامله
بس هاقول
باتمنى من كل قلبي انك مش تقفلي البلوج بتاعك
انا بارتاح جدا لما اعدي عليه والاقي بوست موجود قدامي حتى ولو قديم
ربنا يوفقك ويهديكي للي فيه الخير
أنا بضم صوتي للناس اللي طلبوا منك أنك تستمري في الكتابه وروقي كده ياداليا ):
سلامتك ياجميله
مالك بس؟فيه ايه ياداليا
قلقتيني عليكي بجد
طب طمنينا
صدقيني مافيه حاجه مستاهله يابنتي
اجمدي كده
Post a Comment