مسأله حياه او موت
ها انت ذا
الجنه ام الجحيم
ما بعد الموت
او اللا شئ
المغفره ؟
ام معاناه ابديه ؟؟
هل يعرف احد؟؟
لماذا جئت هنا؟
ماذا تحتاج؟
لتجد طريقه للحياه ؟
ام لتجد طريقه للموت ؟
-----------------------------------------
ها هو كوب مملوء بالحبوب
لها قوه
الحياه , و الموت
ما الذى تريده من الحبوب؟
ربما تأخذهم للتموت ....؟
و لكنى اسألك الان
كم عدد الحبوب
تأخدها يوميا لتعيش؟
لتشعر انك بخير , طبيعى كأى شخص اخر؟
متزن,و بلا ضغوط و,سعيد و لكن طبيعى؟
هذه الحبوب انا اخدها يوميا
لانقذ حياتى
انها ليست اعشاب ولا مضادات اكتئاب
اشعر بالسعاده, اشعر اننى بخير و طبيعى
انا شاكر لتلك الحبوب
منذ خمسه عشر عاما بقيت حياتى على سطح الارض
حياه حره متزنه
لديك فرصه الان
لتبدأ حياتك من جديد
بدل من محاوله انهائها
تستطيع الان ان تبعث نفسك
من العيش ميتا
لتداوى حياتك
و تبدأها من جديد
----------------------------------------------------
طبعا الكلام ده موجه للناس اللى عاوزه تنتحر مش احنا طبعا
اسلوبه عجبنى اوى و ربطه بين الحياه و الموت ... قولت اترجمها و اجيبهالكو
17 comments:
انا اول كومنت هييييه اول مرة هييييه
الكلام اللي كتباه ده مش بس ينفع الناس اللي عاوزة تنتحر لا وكمان الناس اللي عندها مشاكل وعندها هموم .. اقدر اقول انها طلب علشان كل واحد يقف مع نفسه ويحبها ويحب الحياة اللي ربنا ادهاله ...بجد كلنا محتاجين الكلام ده مادام بيطلع من القلب ..هنحسه ونعمل بيه.. ليكي في الترجمة كمان ... هنبقي اصحاب جدا ان شاء الله
بوست جميل ..وتابعي تعليقاتي علي كل بوستهاتك ...
ميمي
معلش عندي مشكلة في الباسوورد بتاعي
http://mimayaa.blogspot.com/
ايه يا ميمى انتى كنت واقفه على باب البلوج ولا ايه
ايوه انتى كلامك صح .. المفروض الواحد يحب حياته و مايضيعهاش منه بسهوله
الحبوبه داليا
وحشتيني ياجميله
ازيك و ازي اخبارك؟
بوست جميل كعادتك دايما
فعلا الحياه جميله بس نفهمها زي ماالاغنيه قالت
بس انتي عارفه لما الحزن بيتمكن من البني ادم بيعميه عن انه يشوف الحاجات الحلوه اللي قدامه
صحيح انا سيد من ينصح بس اعمل بالنصيحه انسي
يعني مش بحب اشوف حد من صحابي مكتئب و بفضل انصحه و اقوله ماتستسلمش و لما اجي اكتئب بتكون حالتي كرب بعيد عنك بس كلو بيعدي في الاخر و فعلا مش لازم نستسلم
الحياه زي مافيها الحلو فيها الوحش و عشان نحس بالحلو لازم ندوق الوحش و الا مش حنعرف اد ايه هو حلو
يارب كل ايامك تكون حلوه ياجميله
:))))
شكرا ياداليا
خلاص انا غيرت رأي ومش هانتحر
بس انا ماكنتش هاخد حبوب ولا حاجه
انا كنت رايح لندن
:)
تحياتي ليكي
محمد سمير
ايه الرعب ده
انا بصراحه قلّقت
على فكره الحبوب دي ممكن تكون فعل خير او امل ف ثواب او احساس كويس او هدف بنسعى له او مكانه بنحلم نوصلها او ناس بتخلي حياتنا احلى
فيه حبوب كتيره
بس نفكر احنا هانخسر ايه لو عملنا كده
اكيد هانخسر كل حاجه دنيا واخره
ساعات اليأس بيوصل للتفكير ده بس لو فكرنا صح هانندم على مجرد التفكير ف كده
الكلام صعب واداني ايحاء ان اللي كاتبه بيعاني من مرض مزمن
ربنا يشفينا
كده ده يعني الانتحار بس انا مش باحب اكتب كده
بوست صدمه بس الترجمه جامده
تترجمية ايه ؟
هو كان بلغه تانيه ؟
انا اسم مدونتي ورائه الكثير من الغموض و ظلال الظلام يعاني من الوحده و الاكتئاب يفكر في الهروب و الانتحار يشعر بالخسارة والهزيمة والالم وايضا السقوط رغم النجاح في الواقع يتمنى الاغماء و يعشق الحياة بالالوان و لايستطيع ان يتخلى عن الظلام يعشق الناس و لكنه يكره اسلوب بعضهم و بعضهم يكره اسلوبي و لذلك سئمت الحياه ادرك الواقع لكنه لا يدركني و اتابع الناس و لكنهم لا يتابعوني ابحث عن سعادتهم و ارضائهم و يبحثون عن محاشتي و اغضابي و اعترف اني غير متزن كرهة الحياة لاني فيها اعيش و لا اعرف الحب في قلبي و لكن اعلم جميع دروبهع ازورها استطيع حب الناس و لكني اشعر احيانا بشك يشوب حبي لهم و شك يقتل ايضا حبي لهم اشك في حب احبابي لهم و لكني متاكد فقط من حبي للسعادة وعشقي للاجتماعية و حبي للسماء و الرض و كل ما يوجد بيالطبيعة فمنهم استمد الحب و منهم اكمل حياتي وحيدا كنت اتمنى ان تعالجني و لكني اصبحت اكثر تعقيدا و ربما اكون انا منبع الهم و الغم منبع الحزن و لكني لست منبع للكراهيه لاني لا اعرف للكرهه ايه دروب ان كنت تعرف لي تشخيص اجبني علي بريد الالكتروني:mustpham@yhoo.com\mustpham@gmail.com\mustpham@hotmail.com
اتمني ان تزور مدونتي وتترك لي تعليقك فهو يهمني لاطور و احسن اسلوبي
الحياة حلوة جدا بس يا خسارة مفيش حد بيعرف قيمتها إلا اللي بيجي يموت وبيحس اد إيه انه ضيع فيها أوقات كتيرة جدا من غير ما يذكر ربنا ويعبده
قرينتى وحبيبتى داليا
الكلام ده وقفة مع النفس
واختيار موفق جدا
تحياتى
الناس اللي بتفكر في الانتحار لازم تعرف
أولاً إن ده حرام جداً والمنتحر بيموت كافر
وثانياً إن الحياة فيها حاجات كتيرة جميلة بنعيش بيها وعلى الأقل اللي يفكر في الانتحار يفكر في أهله
وأخيراً لازم يكون فيه تفاؤل وأمل في الحياة ومهما قابلنا من ظروف صعبة مهما كانت مسيرها تعدي وهنكمل حياتنا
الموت والحياة فلسفة كبيرة ظهر جزء منها في كلامك على قد ما هما عكس بعض الا ان بينهم خط شفاف اوقات كتير بنتخدع بالاتنين ومبنعرفش نتعامل معاهم بس بالبساطة دي الموضوع هيكون اسهل
تحياتي ليكي ولأسلوبك
يا سلام عليك يا داليا
الاسلوب حلو جدا
وينفع كمان للناس اللي عايزة تتجوز
:)
ربنا يديكى الصحه وطولة العمر
انا اول مره ازور مدونتك والاقيكى بتقولى موت وبتاع
يعنى انتى فرحتى بالمقاله دى اوى وقولتى اترجمهالكم
طب انا هاقولك على حاجه افتحى على قناة الناس هاتلاقيهم كل يوم بيتكلموا عن الموضوع ده
تحياتى
السلام عليكم
نحن جئنا لنجرى الى اقدارنا فنحن نحتاج من الحياة قدر الحبوب التى تحيينا أما اذا انخرطنا فيها و توغلنا واخذنا كل الحبوب تكون الحياه
انها الوسطية
تحياتى
فينك ياجميله؟
طمنيني عليكي
وحشتيني اوي
ربنا يبعد عننا الافكار الشريره دى
على فكره
انا عامله تجمع بلوجرى جامد جدا بمناسبة نجاحى وتخرجى على خير
التفاصيل على مدونتى الصغنونه..اللى من غير فذلكه
اجندا حمرا
تسلمى لى يا اجنده
فعلا الدنيا فيها الحلو و فيها الوحش بس سعات الحزن مش بيخلينا نشوف الحلو
-----------------------------------
غمض عينيك
ايه ده انت كنت ناوى تقف فى البلكونه فى لندن ولا ايه ؟؟؟
-----------------------------------
ولــــــــــو
ميرسي جدا على الكلام ده
الترجمه متواضعه جدا .... شكرا على رأيك
-----------------------------------
ياسر سليم
اه هو كان بالانجليزى
بس ايه رأيك ماقولتليش عجبك ولا ؟؟؟
-----------------------------------
شماعة
كلامك صح جدا
نورتنى
-----------------------------------
voice of love
وقفه مع النفس .. هو موجه للى عايزين ينتحرو بس ينفع لكل الناس اللى يأست من حياتها
-----------------------------------
nosha
احب بس اوضح لك حاجه ... اللى بينتحر مش بيموت كافر بس بيموت بذنب قتل النفس التى حرم الله الا بالحق و دى كبيره من الكبائر
بس اللى بيفكر فى الانتحار اليأس بيكون مغمى عنيه عن كل حاجه حلوه فى حياته
-----------------------------------
أنا حر
فعلا الموت و الحياه فيه بينهم خط رفيع جدا
انا ماكتبتش حاجه دى مجرد ترجمه
-----------------------------------
طهقان
للدرجه دى ؟؟؟
الجواز زى الموت
بس الموت علينا حق
:p
-----------------------------------
mohamedgado
انا بشوف على قناه الناس الكلام ده بس اللى عجبنى فى المقال انه فيه فلسفه شويه مش دينى بحت
-----------------------------------
الطائر الحزين
دى وسيله للحياه
و ممكن تكون وسيله للموت
نورت مدونتى
-----------------------------------
اجندا حمرا
معلش يا جميله كنت معتزله النت اسبوع بس يعنى تخلله حوالى تلات سعات
شوفتى الانجاز
كان اسبوع استجمام من غير نت
بس طبعا ماقدرتش اكمل
و رجعت تانى
-----------------------------------
وينكى
يارب يا جميل
انا جايه اهو عشان الحق البيبسي بتاعى
Post a Comment