محاكمه
القاضى : نادى على القضيه الاولى
المنادى : قضيه هو و هى
القاضى : هو و هى تانى ... هو احنا مش هنخلص من مشاكلهم
القاضى لهو ( بنفاذ صبر ) : فيه ايه يا سيدى ؟؟
هو : انا بتهمها انها سرقت قلبي و عقلى
القاضى لهى : ايه اقوالك
هى : مذنبه .. انا بعترف انى سرقت عقله و قلبه
القاضى : ماعندكيش اقوال تانيه و ماعندكيش اى دفاع
هى : لا يا سعاده القاضى .. انا معترفه و بطلب منكم اقسى العقوبه
القاضى : حكمت المحكمه حضوريا على المتهمه هى بالسجن مدى الحياه
هو : استنى يا سعاده القاضى انا كمان مذنب
القاضى : فيه ايه تااااااانى؟
هو : انا كمان سرقت قلبها و عقلها
القاضى: بس هى مش اتهمتك بحاجه
هو : انا عارف هى بتحبنى اوى لدرجه انها لايمكن تحاكمنى حتى لو كنت مذنب
القاضى لهى : ايه اقوالك ؟
هى (وشها كله خجل): ايوه يا سعاده القاضى كل اللى بيقوله مظبوط
القاضى : حط الكلبشات فى ايديهم هما الاتنين يا عسكرىفى القفص
ياخده العسكرى و يحط فى ايده الكلبشات و هو فى استسلام تام يدخله القفص و يحطه فى الكلبشات مع هى
القاضى : حكمت المحكمه حضوريا على المتهمين هو و هى بالسجن مدى الحياه
13 comments:
الف مبروك للعروسين
:)
وعقبالنا
نسيت اقوللك حمدالله على السلامة
يااااااااااارب يا ميراج
يسمع منك ربنا
ياسيادة القاضي
ممكن استأنف؟
هي المحكمة دي ممكن احنا نتقدم بطلبات ليها لمحاكمتنا؟؟؟؟
غمض عنيك
مافيش استئناف
-----------------------------------
أنا حر
هو القاضى ده زهق من قضايا هو و هى ...بس انا ممكن اكلمهولك
يااااااااه يادودو قصة حلوة ويارب ارزقني انا وجميع البنات بسجن مثل هذا مع انسان يستحق تحياتي ليكي ياجميلة
تحياتي يا جميلة الكلمات والملامح على مشاعرك الرقيقه واسلوبك الساحر
اجمل حاجه في الدنيا ومبتحصلش كتير ان البنت تعترف بحبها لحبيبها وتقول ايوه انا مذنبه بسرقة قلبك ساعتها الراجل بيبقى عايز يترمي في حضنها ويقولها انه لو كان فيه كلام في الدنيا تاني كان قالهولها لأنه كده خلصت كل الكلام
جميل قوي انك تسمع كلمة بحبك وجميل قوي انك تقولها لكن انا عندي لما تسمعها امتع كتير من انك تقولها وطول عمر البنات بيضحكوا علينا ومبيقولوهاش قال ايه مكسوفين لأ هم مش مكسوفين هم بس طماعين
لكن انا بنحني ل هي عشان مبخلتش عليه بالكلمه
سلاااااااااااااااااااااااااااام
آه صحيح يا ريت هي تعلم كل بنات هي ازاي يقولوا اللي قالته هي
سلاااااااااااااااام
LOL
حلوة قوي طريقة عرضك للفكرة ياقمرة
ربنا يتسر ومحدش يزهق ويحاول يهرب من
القفص
خالص مودتي واحترامي
:) :)
متهيألي صعب قوي موضوع السجن مدي الحياة
يعني حتي مع الحب واﻷنسان اللي بجد
أنا مش متأكد من موضوع مدي الحياة
يمكن أنا بقول كدا دلوقتي عشان لسه بدور عليه
يمكن لو لقيته رأيي يتغير
يمكن
تحياتي
طريقة جديدة للحب مين عارف يمكن تنفع تخلي الناس تعرف تحب صح
تحياتي
الحبوبه داليا
الف الف مبروك و عقبال البكاري
:)))))))
موضوع لطيف اوي طريقه تناولك له ظريفه جدا
بحييكي عليها عزيزتي
Post a Comment