خلاص تعبت

قررت اتخلص منها .. طول الليل عماله افكر فى طريقه .. مش عارفه اقرر .. الطرق كتير اوى بس الهدف واحد انى اتخلص منها .. ماعرفش اد ايه الالم اللى هاحس بيه .. بس مش هيكون اكتر من العذاب اللى شوفته فى حياتى .. حلو سم الفيران اللى فى المطبخ .. قد يفى بالغرض.. او اجيب موس و اقطع شريانى .. جرح صغير فى المعصم و ماحدش هيحس بيا .. المهم اتخلص من حياتى .. طريقه سريعه و سهله .. منظر الدم بيتعب اعصابي .. هاموت و انا علامات الالم على وشى .. بس اهم حاجه ان ماحدش هيعرف انا انتحرت ليه .. ومش عايزه حد يعرف .. من امتى انا بهم حد عشان هما يهمونى .. ممكن ارمى نفسي من فوق السطح.. 10 ادوار كفيله انها تخلى قلبي يتوقف عن النبض قبل ما اوصل الارض.. بس انا بخاف من المرتفعات .. عندى فوبيا .. انا بفكر فى موته مريحه ..انا مش عارفه ايه مستنينى فى الاخره .. بس انا عشمى فى رحمه ربنا كبيره .. اكيد ربنا مش هيخذلنى..لو كان عندى افعى زى اللى كانت عند كليوبترا كنت لبست فستانى الاسمر اللى بيحبه .. و حطيت مكياج حلو اوى .. و غمضت عنيا و انا بحس بلذعتها القاتله .. او لو كان عندى روميو يجى لى و اخر نقطه من السم فى شفايفه .. ماكنتش هاتردد لحظه انى احضنها بشفايفى و اخذ كل السم اللى فيها او يكون عندى عطيل حبيبي يجى يقتلنى ظلم و اخر كلمه على لسانى .. لا ذنب لى الا حبك يا مولاى .. مع الاسف انا ماعنديش كل ده ولا حاجه واحده منه.. مافيش طريقه يعنى .. ايوه لاقيتها .. ازاى كانت غايبه عن بالى .. دى حتى على طول بستعملها اكيد هتبقي حنينه عليا .. سكينه المطبخ ازاى نسيتها .. هامسكها و اغرسها فى قلبي .. عشان قبل ما تخلصنى من حياتى .. تخلصنى من حبه اللى مسيطر على قلبي ..تقطع قلبي قبل ما تطلع روحى .. فكره حلوه .. كان لازم قلبي يتعذب من زمان لانه حبه .. دخلت المطبخ .. ادور على السكينه ..لاقيتها بسرعه كأنها بتنادى عليا .. غسلتها كويس .. ودخلت الاوضه و على سريرى.. نمت على السرير وحطيت السكينه على قلبي.. سمعته بيدق بسرعه اوى و كأنه عارف ان دى اخر دقاته .. " اشهد الا اله الا الله و ان محمد رسول الله" و لسه هاحطها فى قلبي لاقيت اذان الفجر بيأذن
استغفر الله العظيم .. يارب سامحنى