تاج من شيرمين
التاج ده من صديقتى شيرمين
ميرسي جدا يا جميل ان افتكرتينى
يلا نبدأ
أحب شخص الى قلبك فى الدنيا ؟؟
ماما و صديقتى فاطمه
إنسان مستعد تضحي بحياتك _ركز في كلمة حياتك_عشانه؟
مافيش حد
إنسان كرهته لدرجة الجنون و تمنيت لو تمسك سكينة و تنقض عليه و تغرزها في قلبه
انا
ما هو إسم أجمل كتاب كتبه بشرقرأته و محتفظ به حتى الآن؟
لسه الكتاب ده ماصدفتهوش
إسم كتاب_كتبه بشر برضه_إنت متعلق بيه و بتقراه كل فترة؟
سلسله ما وراء الطبيعه لاحمد خالد توفيق
اهم جهاز منزلي متعلق بيه أوبتستخدمه كتير؟
الكمبيوتر بلا منازع
شىء تحس بالراحة النفسية عندما تنظر إليه؟
طفل صغير بيبتسم
و فرحه بشوفها فى عين صديقتى لما اقدم لها حاجه
و منظر بشوفه على الطريق الزراعى لخمس نخلات طالعين من جذر واحد كأنهم اسره واحده اب و ام و تلات اولاد لان فيهم نخله طويله اوى و واحده اقصر منها بشويه و تلاته صغيرين
مكان تحس فيه بالحنين إلى شىء لا تدري ما هو و ذكريات جارفة إلى لا شىء؟
قدام البحر
مكان تحس بالراحة عندما تدخله؟
لما ادخل اوضتى بعد يوم شاق
أجمل مدينة زرتها داخل مصر؟
اسكندريه
شخصية كرتونية تحبها؟
دورى
نوع هاتفك المحمول؟
الكاتيلو بلاش تريقه لو سمحتم
سرعة بروسيسور جهازك؟
ماعرفش
ذاكرة _هارد_جهازك؟
80 جيجا
المساحة التي تشغلها المساحة الاسلامية على جهازك؟
ماعرفش
نفس الاجابة السالف ذكرها في قلبك_الاجابة لنفسك عشان الرياء يا اخوانا؟
الله اعلم
أهم هدف انت واضعه لحياتك الآن؟
اخلص كليه
مواصفات فتى الاحلام بالنسبة لي؟
انه يكون محترم و بيخاف ربنا
صف ما يأتي شعورك لما بتسمع كلمة مصر؟
بزعل للى وصل له حال البلد
شعورك لما بتسمع كلام عن اليهود؟
بتضايق اوى
شعورك لما بتشوف ضابط شرطة؟
عادى
شعورك لما بتشوف الكناس العجوز في الطريق؟
ببقي نفسي اروح اسأله اذا كان محتاج او ناقصه حاجه ... ببقي عاوزه اكلمه عشان يعرف ان لسه فيه حد مهتم بيه و انه انسان زينا زيه .. اكيد فيه ناس بتحسسه بالعكس ماعندهم قلب
افكارك تجاه شاب ماشي في الطريق يلبس جلابية بيضاء قصيرة و عمامة و له لحية و بجيبه
الدين مش كده
إحساس يراودك في اشارة مرور مغلقة بسبب مسئول كبير؟
بتخنق اوى خاصه انى بكره الانتظار
انا مش هامرره لحد اللى عاوزه ياخده
5 comments:
ميرسي يا قمر
على إستجابتك السريعة
للإجابة
إجاباتك ممتعة ولذيذة
حسستني إن إحنا قريبين من بعض في شوية حاجات
عقبال التاج الجاي
كل تاج وأنتي طيبة
shermen
طبعا يا حبيبتى هو انا اقدر اتأخر
و كمان التاج لذيذ اوى
شريف
نورت مدونتى
احنا لسه فيها خد التاج جاوبه :))
بس انت مشيت كده على طول من غير ماتقولى ايه القصه الماهوله بينك و بين اسمى ؟؟
يلا مستنياك تقولى
جامد قوي يا داليا التاج وإجاباتك جامده مووت اللذيذ فيها انها وسط ومعتدلة جدا وده أهم حاجة في حياتنا وكمان خلتنا نتعرف عليكي من جوه أكتر وده كويس بس ياريت تنزلي بوست قريب تكوني كاتبة فيه حاجة جديده لأني متابعك باستمرار
سلام
انا حر
ميرسي جدا
فيه حاجات كتير انا كاتباها هابقي انزلها قريب
--------------------
شريف
ازيك عامل ايه؟؟
تبقي احكى عن اسمى ... قصدى اللى كانت اسمها على اسمى فى بوست لوحده و انا هافهم
احب علاقتى بأصدقائى البلوجريين تقتصر على البلوج و بس :))
شريف
انت فهمتنى غلط خالص على فكره
انا مش اتضايقت منك او من وجودك فى البلوج بتاعتى بالعكس انت تنورنى فى اى وقت ده مكانك
كل اللى اقصده انى بحب اعرف الناس البلوجريين من خلال مدوناتهم و بوستاتهم
مش من خلال كلامهم على الماسنجر
ياريت تكون فهمتنى صح دلوقتى
و اسفه لو كلامى ضايقك لانى بجد ماكنتش اقصد اللى انت فهمته
Post a Comment